Жиында бірнеше өзекті мәселе қарастырылмақ: есірткі тасымалына және заңсыз миграцияға қарсы жұмыс, өңірлік тұрақтылық, сондай-ақ Ресей 2026 жылы атқаратын төрағалық кезеңіне қатысты басым бағыттар. Кездесу соңында мүше мемлекеттер қауіпсіздік саласына байланысты ортақ ұстанымдарды қамтитын декларация қабылдауы тиіс.

Тасмағамбетовтың қызмет жолы
Қазақстанның бұрынғы премьер-министрі, қорғаныс министрі және екі мегаполистің — Астана мен Алматының — әкімі болған Иманғали Тасмағамбетов 2023 жылы ОДКБ бас хатшысы лауазымына тағайындалған. Оның бұл орынға келуі кезінде қоғамда түрлі пікір тудырған еді.

Дауға себеп болған сөздер
Биыл көктемде Тасмағамбетов Ресей басылымдарына берген сұхбатында Украинадағы соғысқа қатысты айтқан пікірінен кейін Қазақстан қоғамында сынға қалған. Кейінірек ол өз сөздерінің бұрмаланғанын айтып, «ешбір елдің мүддесін қорғап жүргенім жоқ» деп түсіндірме жасаған.

ҰҚШҰ бас хатшысы қызметіне жаңа үміткер жыл соңына дейін келісіліп, ұйымға мүше мемлекеттердің ортақ шешімімен бекітіледі.