Фото авторы: ғаламтордан
8 желтоқсан күні Жапонияның солтүстігінде магнитудасы 7,6-ға тең жерасты дүмпуі тіркелді, деп хабарлайды Newmedia.kz
Зілзала ошағы Хонсю аралының солтүстік бөлігінен шамамен 80 шақырым шығыс бағытта орналасқан. Жерасты дүмпулері ең айқын сезілген өңір – Аомори префектурасы. Қираған нысандар мен зардап шеккендер жайлы мәлімет әзірге жарияланған жоқ.
Елдің метеорологиялық қызметі шығыс және солтүстік-шығыс жағалауда биіктігі 3 метрге дейін жетуі ықтимал цунами қаупі барын хабарлады. Қауіпті аумақтар қатарына Аомори, Иватэ және Хоккайдо префектуралары енгізілді. Билік халықты жағалаудан тез арада қашықтап, биік жерлерге шұғыл көтерілуге үндеді.
Пікір жоқ