Фото авторы: Tengrinews
Атырауда төрт адамды өлтіру дерегі бойынша басты сот талқылауы басталды. Айыпталушы - марқұмдардың күйеу баласы Сұлтан Сәрсемәлиев, - деп хабарлайды Newmedia.kz тілшісі.
Бүгін прокурорлар оған қандай айып тағылғанын айтты. Мемлекеттік айыптаушы істің бір эпизодын, яғни айыпталушының әйелінің ағасы Наурыз Мұқанғалиевтің өліміне қатысты мәліметті жариялады.
Бұл қылмыс 2025 жылы мамырда жасалған. Тергеушілер оның сүйегі ұзақ уақыт бойы жер астында жатқанын және қылмыстан 6-8 ай өткен соң табылғанын анықтаған.
Іс материалдарына сүйенсек, кісі өлтіргеннен кейін Сұлтан Сәрсемәлиев қылмыс ізін жасыруға тырысып, Геологтан өзі жалға алған үйдің ауласына сүйекті көміп тастаған.
Тергеу мәліметінше, айыпталушы шұңқыр қазып, оған марқұмның денесін көмген және көмген жерін мұқият жасырған.
"Қылмыс жасағаннан кейін Сәрсемәлиев куәгерлер болмауы үшін күн батқанша күтуді ұйғарған. Түн ортасында ол күрек алып, үйінің ауласының оңтүстігінен шұңқыр қаза бастаған. Сүйекті ғимарат қабырғасының іргетасынан небәрі 60 сантиметр жерге жерлеген. Түнгі сағат үшке қарай күдікті тереңдігі шамамен бір метр, ені 80 сантиметр болатын көр қазып біткен", - деді прокурор сот отырысында.
Айыпталушы Сұлтан Сәрсемәлиев, сурет: Tengrinews.kz
Қылмыс жасағаннан кейін Сәрсемәлиев марқұмның жеке заттарын алып, жеке куәлігін, банк картасын, ұялы телефонын және қолма-қол ақшасын иемденген.
"Сот-медициналық сараптама қорытындысына сәйкес Наурыз Мұқанғалиевтің сүйегі жер астында 6 айдан 8 айға дейінгі уақыт аралығында жатқан. Осы уақыт ішінде шіри бастап, бұл алғашқы зерттеу кезінде өлімнің нақты себебін анықтауды айтарлықтай қиындатты", - деді прокурор.
Прокурордың айтуынша, қылмыс ізін біржола жою мақсатында Сәрсемәлиев үйді мұқият жуып, қан іздерін кетірген. Қылмыс құралын, яғни ас үй пышағын, сондай-ақ, Наурыз Мұқанғалиевтің денесі оралған кілемді үйдің қарама-қарсы бетіндегі қоқыс полигонына апарып, өртеп жіберген.
Сурет сот залынан: Tengrinews.kz
Қылмыстық іс материалдарына сәйкес қылмыс Сұлтан Сәрсемәлиев пен оның бұрынғы әйелінің туыстары арасындағы ұзаққа созылған отбасылық жанжал салдарынан жасалған.
Еске салайық, 2025 жылы 25 желтоқсанда Атырау облысының полициясына бір отбасы жоғалғаны туралы арыз түскен. Туыстарының айтуынша, отбасы қарашадан бері байланысқа шықпаған. Төртеуіне де жоғалып кеткен адамдар ретінде іздеу жарияланды:
Бұл дерек бойынша соталды тергеп-тексеру басталып, жедел тергеу тобы құрылды.
Пікір жоқ