Фото авторы: maqat-tynysy.kz
Қазақстаннан барған 4 мыңнан аса турист Таяу Шығыстағы жағдайға байланысты Біріккен Араб Әмірліктері, Қатар және Сауд Арабиясы аумағында қалып қойған, - деп хабарлайды Newmedia.kz
Бұл - "Туристік Қамқор" қорының дерегі. Қор мәліметінше, қазір бәрінің жағдайы жақсы.
Айта кетейік, 28 ақпанда АҚШ пен Израиль Иранға қарсы ауқымды әскери операция бастады. Тель-Авив соққының мақсаты Тегеран ядролық қару алуына жол бермеу екенін мәлімдеді. АҚШ президенті Дональд Трамп та Иран флоты мен қорғаныс өнеркәсібін жоюға ниет білдірді.
Жексенбіге қараған түні Иранның жоғары көсемі Әли Хаменеи қайтыс болғаны жарияланды.
Тегеран жауап ретінде Израиль аумағына, сондай-ақ, Таяу Шығыстағы Америка базаларына шабуыл жасап жатыр.
Пікір жоқ