Фото авторы: istockphoto.com
Батыс Қазақстан облысының прокуратурасы мемлекеттік кәсіпорындардың бірінде аса ірі мөлшерде бюджет қаражатын жымқыру дерегін анықтады, - деп хабарлайды Newmedia.kz
Алдын ала мәліметке сәйкес кәсіпорынның лудоманияға шалдыққан бухгалтері компания қаражатын заңсыз пайдаланып, 1XBet букмекерлік кеңсесінде бәс тіккен. Сондай-ақ, ұрланған ақшаға жаңа көлік сатып алған. Мемлекетке келтірілген жалпы залал - 118 миллион теңге.
Бөтен мүлікті аса ірі мөлшерде заңсыз иемдену дерегі бойынша Қылмыстық кодекстің 189-бабы 4-бөлігі 2-тармағына сәйкес соталды тергеп-тексеру басталды. Арнайы прокурорлар тергеу жүргізіп жатыр.
Сот санкциясымен күдікті тергеу изоляторында қамауда отыр, көлікке тыйым салынды.
Айта кетейік, 2025 жылы Батыс Қазақстан облысында букмекерлік кеңселерде бәс тіккені үшін түрлі мемлекеттік органдардың 16 қызметкері жұмыстан босатылған.
Пікір жоқ