АҚШ президентінің бейбітшілік жөніндегі арнайы өкілі Стив Уиткофф пен президенттің кеңесшісі Джаред Кушнер Украина Ұлттық қауіпсіздік және қорғаныс кеңесінің хатшысы Рустем Умеров және Украина Қарулы күштері Бас штабының бастығы, генерал Андрей Гнатовпен екі күн бойы келіссөздер жүргізді. Бұл туралы АҚШ Мемлекеттік департаменті хабарлады.

Арменпресс хабарлағандай, Соңғы екі аптадағы алтыншы кездесуде тараптар Украинада тұрақты бейбітшілікті орнату мүмкіндіктерін талқылады. Рустем Умеров Украина үшін басымдық — елдің тәуелсіздігі мен егемендігін қорғауға, украиналықтардың қауіпсіздігін қамтамасыз етуге және елде демократияның өркендеуіне берік негіз құруға мүмкіндік беретін қақтығысты реттеу екенін растады.

Тараптар АҚШ пен Ресей арасындағы осыған ұқсас кездесулердің нәтижелерін және соғысты тоқтатуға әкелуі мүмкін қадамдарды талқылады. Кездесу барысында АҚШ пен Украина ресми өкілдері нақты прогресс Ресей тұрақты әрі мызғымас бейбітшілікті орнатуға бағытталған қадамдар жасауға дайын болған жағдайда ғана мүмкін екенін атап өтті.

АҚШ президентінің бейбітшілік мәселелері жөніндегі арнайы елшісі Стив Уиткофф пен президент кеңесшісі Джаред Кушнер бұған дейін Мәскеуде жоғары лауазымды ресейлік шенеуніктермен де кездескен-ді.