Кептеліс жиі байқалатын 10 жол торабында жаңа жол таңбасы енгізілді — алда бос кеңістік болмаса, қиылыстан өтуге тыйым салатын сары тор. Билік өкілдерінің айтуынша, бұл тәсіл қарбалас кезеңде көлік тығынын азайтуға және жол-көлік оқиғаларының алдын алуға септігін тигізеді.

25 қазаннан бастап бейнебақылау камералары сынақ режимінде іске қосылды. Осы уақыт ішінде 1000-нан астам қиылысты рұқсатсыз кесіп өту фактісі анықталған.

22 қарашадан бастап үш АЕК мөлшеріндегі айыппұл автоматты түрде түседі.

2025 жылы - 11 796 теңге, 2026 жылы - 12 975 теңге.

Бұзушылықтарды бес жол қиылысында орнатылған 43 камера бақылайтын болады:

•  Абай - Тұрғыт Өзал;
• Абай - Назарбаев;
• Абай - Момышұлы;
• Абылай хан - Бөгенбай батыр;
• Наурызбай батыр - Сәтпаев көшелерінің қиылысы.

Ол аз болғандай ай соңына дейін жүйеге тағы бесеуі қосылады.

Бұған дейін депутат Данияр Қасқарауов Алматыдағы көлік кептелісі мәселесін көтерген болатын. Ол жолдарды жеңілдететін үш шешім ұсынды.